Héraðsbókasafn Skagfirðinga

Blómin á þakinu og Tröllabrúðusmiðja

Fri, 16 Oct 2026 12:47:00 +0000

Barnamenningarhátíðin Skúnaskrall verður haldin á Norðurlandi vestra dagana 21. október - 4. nóvember næstkomandi, undir yfirskriftinni "Öll saman". Bókasafnið tekur virkan þátt í hátíðinni og hlaut m.a. styrk fyrir verkefnið Blómin á þakinu. Auk þess mun Greta Clogh frá Handbendi á Hvammstanga koma í heimsókn með Tröllabrúðusmiðju.

Hafsteinn Már fastráðinn til safnsins

Tue, 06 Oct 2026 16:21:00 +0000

Hafsteinn tekur við af Hjördísi Gunnarsdóttur sem starfað hafði við safnið um nokkurra ára skeið en lét af störfum í sumar. Um leið og við bjóðum Hafstein velkominn til starfa þökkum við Hjördísi góð störf og óskum henni alls hins besta.

Sumarlestrarlok

Thu, 10 Sep 2026 11:34:00 +0000

Í lok ágúst héldum við viðburðinn Sumarlestrarlok, sem var endapunktur á lestraráskorun sumarsins. Sumarlesturinn er sameiginlegt átak miðstöðvar menntunar og skólaþjónustu og almenningsbókasafna um allt land Að þessu sinni bar sumarlesturinn yfirskriftina Lestrarsprettur Gúnda geithafurs.

Endurvinnslusmiðja og laugardagsopnun

Wed, 09 Sep 2026 12:52:00 +0000

Síðasta laugardag, 5. september, var fyrsti laugardagurinn sem bókasafnið á Sauðárkróki var opið þetta haustið. Í lok síðasta árs var tekin ákvörðun um að hafa safnið opið á laugardögum, nema sumarmánuðina þrjá; júní, júlí og ágúst. Hófst laugardagsopnun í febrúar sl. og mæltist vel fyrir. Að þessu sinni höfðum við endurvinnslusmiðju, þar sem þær Solveig Pétursdóttir og Þuríður Helga Jónasdóttir frá Verðanda-Endurnýtingarmiðstöð á Hofsósi leiðbeindu um gerð bókarmerkja, tækifæriskorta og minnisbóka úr endurunnum pappír og textil.

Nærri tíu prósent fjölgun gesta

Wed, 01 Jul 2026 11:55:00 +0000

Fjölgun gesta á Héraðsbókasafni Skagfirðinga fyrri hluta ársins 2026 á Sauðárkróki er tæp 10% miðað við fyrra hluta ársins í fyrra. Fjölgunin er í öllum mánuðum ársins, en mest þó í maí og júní.