Fréttir

Nú er vor í lofti og víða farinn að sjást aur á afvegum. Einu sinni boðaði það byrjun Sæluviku og svo verður um ókomin ár. Nú sem fyrr leitum við til ykkar vísnasmiðir um land allt og förum þess á leit að þið botnið nokkra fyrriparta. Ég efast ekki um árangurinn.

Í dag er jarðsunginn Björn Björnsson, fyrrverandi skólastjóri á Sauðárkróki og Hofsósi og fréttarritari Morgunblaðsins hér í Skagafirði. Björn var fastagestur hér í Safnahúsinu og sat um langt skeið í stjórn hússins og safnanna tveggja sem þar eru. Lagði hann þá og alla tíð síðan margt gott til starfseminnar og var ætíð mjög áhugasamur um hana.

Það hefur verið líf og fjör á bókasafninu í morgun og óhætt að enginn dagur á árinu toppi heimsóknafjölda á öskudaginn. Um 260 gestir hafa heimsótt okkur og þegið nammi og Andrés blað í skiptum fyrir söng.