Fréttir

Síðustu mánuði hefur Gígja Glódís, nemandi í 10. bekk Árskóla, verið í vinnustaðanámi hjá okkur. Hennar helsta verkefni var að hanna og gera veggskreytingar í barnahornið. Þar sem verkefnið hófst um svipað leiti og við fögnuðum 80 ára afmæli Línu langsokks, var ákveðið að gera veggskreytingar í barnahornið.

Komdu á næsta bókasafn og fáðu vegabréf til þess að taka þátt í ævintýrinu með Gúnda geithafri.

Um næstu helgi, sem jafnframt markar upphaf Sæluviku, verður þess minnst í Safnahúsi Skagfirðinga að þann 18. apríl verða liðin 100 ár frá fæðingu Indriða G. Þorsteinssonar. Verður boðið upp á ferð um æsku- og sagnaslóðir skáldsins. Einnig verður haldið málþing og sýning í Safnahúsinu og kvikmyndin Land og synir sýnd í Bifröst.

Eitt af því sem hefur heillað mig sem aðfluttur Skagfirðingur er hversu menningin er hér í hávegum höfð. Hér er fjölbreytt úrval menningarviðburða en ekki síður löng og metnaðarfull hefð fyrir varðveislu sagna- og menningararfsins. Það veldur mér því vonbrigðum að fylgjast með hinni neikvæðu umræðu sem spunnist hefur um byggingu fyrirhugaðs Menningarhúss. Húss sem í áratugi hefur staðið til að reisa og hillir nú loks undir að verði að veruleika, með umtalsverðri aðkomu ríkisins.

Það var mikill handagangur í öskjunni og bros á hverju andliti í tröllabrúðusmiðju á laugardaginn. Leiðbeinandi var brúðuleikarinn Greta Clough frá Hvammstanga. Fimmtán þátttakendur gerðu sínar eigin brúður undir hennar leiðsögn.