Fréttir

Enn á ný stendur Safnahús Skagfirðinga fyrir vísnakeppni í aðdraganda Sæluviku og telst umsjónarmanni til að nú sé komið að þeirri 43. en keppninni var komið á árið 1976. Reglurnar eru sem fyrr einfaldar og góðar; annars vegar að botna fyrirfram gefna fyrriparta og eða semja vísu um ákveðið málefni. Ekki er nauðsynlegt að botna allt og einnig er í lagi að senda bara inn vísu.

Samkvæmt tilkynningu frá Landskerfi bókasafna eru tungumál í leitir.is nú orðin þrjú talsins. Til viðbótar við íslensku og ensku hefur pólska nú bæst við sem þriðja mál.

Frá árinu 2002 hafa almennings- og skólabókasöfn landsins verðlaunað tvær nýjar barnabækur, eina íslenska og aðra þýdda. Nú geta krakkar á aldrinum 6-12 ára tekið þátt í kosningu um Bókaverðlaun barnanna.