Fréttir

Þau Dagný og Guðmundur úr Óvitum (Emilia og Ísak), sem Leikfélag Sauðárkróks frumsýnir 10. október, eru væntanleg í heimsókn í Lestrarstund á morgun, fimmtudaginn 2. október. Þau munu lesa fyrir börnin og taka lagið.

Nú er leshópur eldri borgara komin af stað eftir sumarfrí. Eins og mörg undanfarin ár hittist hópurinn einu sinni í viku. Í þessum lestrarstundum er samlestur á áhugaverðri bók og einnig er boðið upp á kaffi og súkkulaðimola, hægt að fletta nýjustu blöðunum, spjalla og njóta samveru.

Gestafjöldi á bókasafninu á Sauðárkróki sumarmánuðina þrjá, júní, júlí og ágúst, var 1740 í ár, sem er aðeins færra en í fyrra þegar 1817 gestir heimsóttu safnið í sömu mánuðum. Að jafnaði eru gestir bókasafnsins um 8000 á ári.