Fréttir

Í dag munu Hilmar Kári Hallbjörnsson frá borðspil.is og Guðbergur Haraldsson heimsækja bókasafnið og kynna spil. Klukkan 17 verður kynning fyrir fjölskyldur og klukkan 20 fyrir fullorðna. Spilin verða uppstillt og Hilmar og Beggi kenna gestum reglurnar og leyfa þeim að prófa. Það er því nóg að mæta með góða skapið.

Nú hefur verið sett inn rúmlega 10 mínútna leiðbeiningamyndband um leit í safninu. Myndbandið er að finna undir hnappnum Hlekkir hér efst til hægri á síðunni, en einnig er hægt að smella á það hér fyrir neðan.

Frábær þátttaka er á námskeið í grúski sem Héraðsbókasafnið og Héraðsskjalasafnið standa fyrir og hófst í gær. Alls eru 26 þátttakendur skráðir og verður því brugðið á það ráð að tvískipta hópnum í tveimur seinni tímunum sem verða í næstu og þarnæstu viku. Mætir því hluti hópsins tvo þriðjudaga í viðbót og hluti tvo fimmtudaga.