Fréttir

Rithöfundurinn Guðbergur Bergsson lést í byrjun þessa mánaðar, á níræðisaldri. Guðbergur var mikilvirkur og margverðlaunaður höfundur, sem skrifaði skáldsögur, ljóð og smásögur. Einnig þýddi hann spænskar bókmenntir á íslensku. Honum til heiðurs höfum við stillt upp sýnishorni af bókum hans, auk þess að prenta út upplýsingar um ævi hans og höfundarverk.

Á fimmtudaginn í síðustu viku tók starfsfólk Safnahússins (Héraðsbókasafnsins og Héraðsskjalasafnsins) þátt í vel heppnaðri vettvangsferð safnafólks á Norðurlandi vestra. Ferðin var skipulögð af safnafólki í Austur-Húnavatnssýslu og náði yfir það svæði.

Héraðsbókasafnið verður lokað fimmtudaginn 7. september vegna vettvangsferðar starfsfólks. Við opnum svo á hefðbundnum tíma föstudaginn 8. september.