Fréttir

Á mánudaginn var fóru Kristín Sigurrós Einarsdóttir héraðsbókavörður og Sólborg Una Pálsdóttir héraðsskjalavörður á úthlutunarhátíð SSNV sem haldin var á Sjávarborg á Hvammstanga. Þar veittu þær og viðtöku tveimur styrkjum úr Uppbyggingarsjóði Norðurlands vestra. Annars vegar sótti bókasafnið um styrk til að halda málþing í tilefni þess að 18. apríl verða liðin 100 ár frá fæðingu skagfirska rithöfundarins Indriða G. Þorsteinssonar og hins vegar sótti skjalasafnið um styrk til að halda grúsknámskeið. Hvort safn um sig er svo samstarfsaðili að verkefni hins safnsins.

Joachim B Schmidht, höfundur bókarinnar Ósmann, er væntanlegur í heimsókn á Héraðsbókasafn Skagfirðinga á Sauðárkróki fimmtudaginn 29. janúar. Þar mun hann kynna bók sína Ósmann, sem fjallar um ferjumanninn og Skagfirðinginn Jón Ósmann. Bókin kom í lok síðasta árs og hefur notið mikilla vinsælda á bókasafninu.

Héraðsbókasafn Skagfirðinga óskar gestum safnsins og Skagfirðingum öllum gleðilegra jóla og farsæls nýs árs. Vonum að öll njóti jólanna með góða bók við hönd. Með kveðju Starfsfólk Héraðsbókasafns Skagfirðinga