Fréttir

Það var líf og fjör í Safnahúsinu í gær þegar Lína langsokkur kom í heimsókn. Gestafjöldinn var álíka og árin sem liðin eru síðan fyrsta bókin ódauðlegu sögupersónu kom út í Svíþjóð, eða áttatíu. Börn á leik- og grunnskólaaldri fjölmenntu í fylgd með foreldrum, ömmum, öfum og frænkum.

Við ætlum að fagna áttræðisafmæli Línu langsokks á fimmtudaginn og gera okkur glaðan dag í lestrarstund. Lína mun koma í heimsókn í eigin persónu, frá Leikfélagi Sauðárkróks, lesa fyrir börnin og taka lagið. Boðið verður upp á föndurverkefni með Línu langsokks þema og sýnd teiknimynd. Þá munum við bæta Línu púslum og leikföngum í barnahornið og hægt verður að lita myndir af Línu. Við erum líka að setja upp Línu langsokks-skreytingar í barnahornið, sem hún Glódís í 10. bekk Árskóla eru að búa til fyrir okkur. Lestrarstund Línu langsokks hefst kl. 16:30 í Safnahúsinu við Faxatorg á Sauðárkróki.

Árlegt rithöfundakvöld var haldið í Safnahúsinu sl. fimmtudag. Fimm höfundar mættu til leiks að þessu sinni og kynntu bækur sínar. Aðsóknin var að venju góð og notaleg stemning með upplestri í bland við jólate og konfekt. Góður rómur var gerður að þessum viðburði og voru rithöfundarnir ánægðir með móttökurnar.